Notiziis de SAF
2007/07/05
GNUFS AUTOBUS 2007 – LUI 2007


Chest mês a jentrin in vore 21 autobus gnûfs, presentâts ai 05.07.07, in presince dai sorestants de SAF e dal Assessôr provinciâl pai Traspuarts, Marchetti, e a van a integrâ e rignuvî il parc autobus de SAF – Autoservizi FVG S.p.A....

19 corieris a son assegnadis ai servizis extraurbans sei tes zonis di mont, li che a son destinâts mieçs luncs di 7,90 m. e di 10,80 m.; sei tes areis de planure furlane in particolâr, ancje se no esclusivementri, tes zonis di Codroip e di Tisane, cun dimensions di 12,77 m. e cu la capacitât di 69 puescj par ogni mieç. 
2 corieris a son, invezit, destinadis ai servizis urbans: a son un autobus di 11,99 m. e un di 7,00 m. cun capience, rispetivementri, di 84 e 28 puescj.
Ducj i gnûfs mieçs:
- a àn il climatizatôr e sistemis di sicurece modernis: ABS, ASR e sisteme sisteme par no restâ fracâts tes puartis;
- a àn un sisteme a rais infraròs par facilitâ il traspuart di personis che no viodin ben o svuarbadis e i autobus urbans a àn ancje sistemis pal traspuart des personis su lis carocelis;
- i autobus extraurbans a àn, tra i prins in Italie, motôrs daûr des normis Euro 5 e chei urbans a metan a van daûr des normativis EEV, cun livei di emissions ancjemò plui bas. Il servizi urban di Udin, duncje, al continue a jessi ae avanguardie mantignint il primât in Italie, come confermât di une ricercje publicade di Il Sole 24 ORE, tal doprâ mieçs cuntun impat ambientâl bas;
- a àn sedii comuts e fats par resisti a eventuâi ats di vandalisim;
- a son predisposcj pal rilevament cul sisteme AVM di posizion dal mieç e altris funzionalitâts colegadis al sisteme satelitâr.

I autobus a son furnîts de Irisbus, n. 13, de Evobus, n. 1, de Marbus, n. 2, de De Simon, n. 5, cuntun investiment di 4,5 milions di Euros che al permet ae Aziende di mantignî i impegns cjapâts sù contratualmentri ancje pal manteniment de etât medie dai mieçs inferiôr a 7,5 agns pal TPL (si met in evidence che, come pal servizi urban, cheste e je di adiriture 6 agns).

Nol è tant che la SAF e à rignuvît ancje la flote pai servizis di turisim e nauli, comprant mieçs cun comfort e carateristichis tecnichis justis par un standard di cualitât alt. A son:
- n. 1 SETRA a doi plans di 13.80 m. cuntune capience di 83 puescj;
- n. 2 MERCEDES TRAVEGO di 12.20 m. cuntuen capience di 55 puescj ogni un;
- n. 1 BEULAS MIDI STAR HD di 8.90 m. cuntune capience di 30 puescj;
- n. 1 BEULAS AURA N di 13.7 m. cun capience fin a 54 puescj, cuntune pedane elevadore par permeti l’acès a personis cu la carocele (fin a 4 carocelis).