Notiziis de SAF
11/01/2008
SAF AUTOSERVIZI: atîfs trê defibriladôrs semiautomatics esternis


Vinars ai 9 di Zenâr aes 9.30 li de direzion gjenerâl de SAF in vie Baldasserie Basse, 75 a Udin il miedi responsabil de Aziende dot. Mario Quai al à presentât i trê defibriladôrs semiautomatics esternis (d.a.e.) atîfs tes autostazions di Udin e Tumieç e te sede operative SAF di Udin...

A son atîfs trê defibriladôrs semiautomatics esternis (d.a.e.) tes autostazions di Udin e Tumieç e te sede operative di Udin. La atenzion tai confronts de tutele de salût dai passizîrs e dal propri personâl sigurantjur la miôr e plui cualificade garanzie di sigurece tai puescj di vore e di transit (soredut tes autostazions) e je la fonde des sieltis de SAF: - adestrâ propri personâl e propris colaboradôrs direts par intervents cui D.A.E. viers personis colpidis di infart - di furnî aparecjaduris D.A.E. che, tal câs di infart, une des causis plui rilevantis di mortalitât, a sigurin un just e precoç intervent risolutîf. La Leç 120/01 e regole l'ûs dai defibriladôrs semiautomatics tal ambient extra ospedalîr e e legjitime in cheste maniere la iniziative di socors fat di bande di personâl no medic istruît di pueste pe prevenzion de muart improvise su la fonde de pussibilitât di un intervent precoç. In chest contest normatîf si à tacât a formâ il personâl, che al devente socoridôr no professionâl, in Basic Life Support Defibrillation (BLSD) e si à proviodût ae furnidure di Defibriladôrs semiautomatics Esternis (DAE) par podê intervignî in câs di necessitât.
L’adestrament dal personâl si è davuelt la passade sierade e al à abilitât 5 dipendents e colaboradôrs de Aziende e a son stâts comprâts 3 dispositîfs D.A.E. cun sofisticâts sistemis di analisi dal ritmi dal cûr che a permetin une precision inte diagnosi che e pues jessi paragonade a chê di un miedi pal cûr, che al rianime o purpûr espert te emergjence, esonerant partant l’operadôr di cualsisei responsabilitât tal diagnosticâ e permetint la defibrilazion dome cuant che cheste e sedi di fat necessarie. SAF e risulte jessi ad in plen la prime aziende dal Friûl-Vignesie Julie a vê un ecuipagjament dal gjenar e di conseguence a promovi in cheste direzion la formazion no dome dal sô personâl de sede di destinazion, ma ancje dai colaboradôrs responsabii des Autostazions di Udin e Tumieç, dulà che i struments a son stâts metûts a disposizion. Vinars ai 9 di Zenâr aes 9.30 li de direzion gjenerâl de SAF in vie Baldasserie Basse, 75 a Udin il miedi responsabil de Aziende dot. Mario Quai al à presentât i operadôrs Silvia Di Paola, Giovanna Brochetta, Alcide Fasiolo, Ivano Plozner e Giovanni Bello che a son stâts abilitâts par doprâ i struments DAE che, intune prime fase, a vignaran destinâts ae Autostazion di Udin, ae Autostazion di Tumieç e ae sede operative di SAF cun sede in viâl Palme a Udin.