SAF al risierve une iniziative speciâl par chei che a àn fat un abonament anuâl scolastic urban o extraurban valit pal an scolastic 2007-2008. I stes a puedin doprâ a gratis ai 11, ai 18 e ai 25 di Jugn dal 2008 i servizis SAF viers e di Lignan viers e di cualsisei localitât. La ufierte e je valide par ducj i abonaments scolastics indipendentementri dal percors relatîf al abonament fat (l'abonament par cualsisei linie, urbane o extraurbane, al permet al student di podê usufruî de ufierte).
Par gjoldi di cheste gratuitât al è necessari jessi in regule cul paiament dal abonament scolastic (prime e seconde rate) e lâ, a tacâ dai 9 di Jugn dal 2008, cul abonament e la cjarte di identitât intune des bilietariis SAF daspò nomenadis: 

UDIN - autostazion - Viâl Europe Unide, 37
TUMIEÇ - autostazion - Vie Cjargne libare 1944, 20
CIVIDÂT - autostazion - Viâl Libertât, 43
CODROIP - Bar Giardino - Vie Plâf, 53
GLEMONE - Riv. Tabacs Cargnelutti - plaçâl stazion, 4
TARVIS - Tabachin Urbica - place Unitât, 2
TISANE - autostazion - Vie Borchia

A chei che a usufruissin di cheste ufierte si domande di compilâ un curt cuestionari e si dâ fûr une tessare che, insiemit ae cjarte di identitât e al abonament scolastic, e varà di jessi mostrade se domandade di bande dal personâl de Aziende.