Notiziis de SAF
12/06/2008
La gnove sede direzionâl e operative di SAF


La sede uniche, direzionâl e operative di SAF AUTOSERVIZIS pal traspuart public urban, extraurban e pai altris servizis gjestîts al è in vie di realizazion tal Comun di Udin – vie Partidôr – dongje Viâl Palme – ingrès Sud viers la citât ...

La zone e je strategjiche sei pe facilitât di rivâ alì di fûr citât (Autostrade – casel di Udin Sud, Triest, Gurize, Basse Furlane), sei ancje pe semplicitât dal colegament cu la autostazion e la stazion feroviarie di Udin, che a son tal stes timp pont di partence des liniis de rêt extraurbane e di incuintri di dutis lis liniis de rêt urbane.
Un intervent complès che al proviôt la realizazion di puescj par fermâ e furnî i mieçs, part di chescj cu la cjarie lente a gas metan, edifici pe manutenzion dai mieçs cun 38 puescj di vore, cualchidun che al rispuint aes normativis specifichis “Atex”, tunel di colaut e revision, magazin pai ricambis, bloc di servizi pal personâl, uficis di gjestion. 
La palacine direzionâl localizade a pocje distance dal cuarp principâl e doi edificis di servizi tecnic pe gjestion dal metan par autotrazion e l’edifici di puartinarie e centralin a completin l’intervent dulà che si zontin plui o mancul 200 puescj a viert pai autobus, e ancjetancj parcs pai mieçs dai adets, furnidôrs e visitadôrs.

L’intervent complessîf al pues jessi sintetizât cun chescj dâts:

- superficie complessive mc. 58.466
- superficie cuvierte totâl mc. 6.735
- volum complessîf mc. 57.570
- superficie a vert mc. 7.147

Il progjet al viôt cun atenzion la eficience energjetiche dal implant in mût passîf, cun atenzion a materiâi e modalitâts costrutivis, e atîf, midiant dal ûs di fonts energjetichis alternativis e e al proviôt un implant di produzion di energjie eletriche par mieç di un insiemit di panei organizâts in stringhis buinis par realizâ un cjamp fotovoltaic. 
Chest cjamp al cree energjie eletriche in curint continue che e ven convertide, midiant aparecjaduris clamadis inverter, in energjie che e corispuint in dut a chê erogade dal Ent distributôr (alternade e a trê fasis). 
L’implant fotovoltaic al è instalât su la cuvierture dal capanon des oficinis pal so otimâl orientament e pe presince di shed che a permetin di ridusi al minim i problemis di reciprochis zonis di ombrene. Lis analisis fatis a àn fat in maniere di valutâ tant che adat un implant cun potence di 160kWp cun 3 inverter di 61kW e dividint l’implant in ancjetancj sot-implants, par garantî elevâts rindiments e contignî il dam tal câs di un vuast. 

L’impegn pal ambient al reste, partant, un dai ponts di fonde te politiche de Aziende che, di là di agjî su fatôrs internis come lis carateristichis tecnichis dai veicui dal parc autobus e lôr alimentazion (e je stade la prime in Italie a sperimentâ la alimentazion a metan dai propris autobus), cu la sielte dal implant fotovoltaic pe sô gnove sede, e devente leader in tiermins di sostegn ae inovazion insiemit cul disvilup sostignibil.