• I servizis no urbans si garantissin, seont programs di esercizi autorizâts, dilunc dal an, infûr des zornadis dal Prin dal an, di Pasche, dal Prin di Mai e di Nadâl. A fasin ecezion lis liniis Udin – Tarvis e Glemone – Tarvis, che invezit a son garantidis ducj i diis dal an.
• Il servizi te citât di Udin e tai comuns dongje e il servizi a Glemone a vegni fats dut l’an, invezit il servizi te citât di Lignan si fâs dome in istât. Il Prin di Mai ducj i servizis a son sospindûts; il Prin dal An ducj i servizis festîfs a tachin aes 8 di matine; a Pasche e Nadâl ducj i servizis festîfs a finissin ae 1 dopodimisdì; l’ultin dal an ducj i servizis (sedi chei in dì di vore, sedi chei in dì di fieste) a finissin aes 10 di sere.

• consultant il sît internet www.saf.ud.it te sezion di pueste dai oraris;
• telefonant (la clamade e je a gratis) al numar vert 800.915303 disponibil dal lunis al vinars des 08.30 aes 12.30 e des 14.30 aes 17.30 e di sabide des 08.30 aes 12.30;
• lant li di un pont di vendite SAF ricognossibil dai veris esternis, dulà che si puedin cjatâ ancje i singui oraris su cjarte.

• telefonant (la clamade e je a gratis) al numar vert 800.915303 disponibil dal lunis al vinars des 08.30 aes 12.30 e des 14.30 aes 17.30 e di sabide des 08.30 aes 12.30;
• inviant un messaç di pueste eletroniche a info@saf.ud.it;
• inviant une letare a AUTOSERVIZI SAF FVG, Direzion Gjenerâl, Vie Baldasseria Bassa 75, 33100 UDIN;
• inviant un fax al numar 0432.602777;
• doprant il model specific su cjarte disponibil li dai ponts di vendite dai biliets;
• doprant il model specific informatic presint te sezion des relazions cul public tal sît internet aziendâl www.saf.ud.it.

• Ricercje semplice: digjitâ lis localitâts di partence e di rivade tai cjamps rispetîfs. Intant de compilazion e comparirà une balconete di jutori cul elenc des pussibilis localitâts cirudis: di chest elenc al è pussibil selezionâ la zone o la fermade che si vûl. In alternative si pues sielzi di inviâ la ricercje doprant dome lis peraulis digjitadis.
• Ricercje cartografiche: selezionâ lis localitâts di partence e di rivade dret su la mape. Su la cartografie extraurbane, daûr dal nivel di zoom, a vignaran mostradis alternativementri lis zonis, lis singulis fermadis des liniis extraurbanis o, al ingrandiment massim, ancje chês des liniis urbanis (Udin, Lignan, Glemone). Clicant sui pulsants che a son parsore de cartografie al è pussibil passâ de visualizazion a scjale extraurbane aes areis urbanis.
  Nota bene! Al è pussibil ancje messedâ i tips di ricercje cul selezionâ lis localitâts di partence e di rivade des diviersis cartografiis, rivant a vê ancje percors messedâts su liniis extraurbanis e urbanis.
• Ricercje door to door: cheste gnove funzionalitât e permet di cjatâ il percors miôr cul digjitâ dret une direzion di partence e une di rivade, cul specificâ comun, vie, numar civic. Il sisteme si ocuparà di localizâ in mût automatiche lis fermadis che a son plui dongje dal pont di partence e di rivade.

Ai 4 di Avril dal 2008 al è stât publicât su la Gazete Uficiâl il Decret dal Ministeri de Economie e des Financis dal 01.02.2008 che al rivuarde la atuazion de norme fate buine dal articul 1, come 225, Leç 296/2006, che e previôt il rimbors dal abonament di durade avuâl a une anualitât a servizis di traspuart public locâl intal ambit dal comun di residence e di domicili, a pro di chei che a proviodin ae rotamazion di veicui cence sostituzion dai stes.
Chest decret al sclarìs che il rimbors al vignarà fat di bande di un ent di pueste, dulà che a laran ancje indirizadis lis relativis istancis.
Nissune domande in tâl sens e à di sei alore presentade ae imprese di traspuart che e à lassât l’abonament, copie che dutun ae ricevute che ateste il paiament e varà di sei alegade ae istance stesse.
Eventuâls necessitâts di bande dal utent in relazion a cheste documentazion a varan di sei indreçadis a AUTOSERVIZI FVG – SAF, Ufici Casse, Viâl Palme n. 219, 33100 Udin (tel. 0432 608164 o 0432 608118).

La leç 244/2007 (Leç finanziarie 2008) e à introdusût pal an 2008 une gnove agjevolazion fiscâl che e rivuarde lis spesis sostignudis par comprâ abonaments ai servizis di traspuart public locâl, regionâl e interregjonâl.
Cheste agjevolazion e consist intune detrazion Irpef dal 19% de impueste lorde pes spesis sostignudis a tal titul jenfri il 31 di Dicembar dal 2008 fintremai a 250 euros, cuntun sparagn di impueste che alore e podarà vê un valôr massim di 47,50 euros. 
Il limit di 250 euros si riferìs in maniere cumulative sedi aes spesis sostignudis dal contribuent pal propi abonament che a chês sostignudis intal interès di chei di famee fiscalmentri in cjarie daûr dal articul 12 dal Tuir. 
Cu la circolâr 19/E dai 7 di Març dal 2008, l’Agjenzie des Jentradis e à sclarît i mûts e lis prassis di doprâ par podê usufruî de gnove agjevolazion al moment de presentazion de declarazion dai redits pal an di impueste 2008. 
In particolâr la circolâr e rileve che par usufruî de detrazion, il contribuent al è tignût a comprâ e a conservâ il titul di viaç, che tignint lis indicazions dal D.M. dai 30 di Jugn dal 1992, al rapresente la documentazion util di mostrâ in câs di domande di bande dal Ufici o in lûc di compilazion de declaration dai redits midiant de procedure di assistence fiscâl. 
Cul fin di otignî l’agevolazion nol è necessari domandâ fature o altris documents ae dite che e fâs la prestazion di traspuart. Cun di plui al ven precisât che in assence di documentazion che e furnìs diviersis indicazions, la spese e à di mantignisi sostignude in coincidence cu la date di inizi di validitât dal abonament.