Certificazion

A partî dal 1999 SAF e à aderît al concet di Cualitât codificade otignint la certificazion daûr de norme UNI EN ISO 9002:1994, ritignintle un imprescj valit par intervignî in maniere sistematiche su lis propriis modalitâts di gjestion e sodisfâ miôr pussibil lis esigjencis dai Clients. 
La Aziende si è furnide ancjemò di moltepliçs imprescj di caratar organizatîf a supuart des variis ativitâts finalizadis a perseguî il lôr miorament, come par esempli il Manuâl dal Personâl di Vuide, il Codiç di Compuartament dal Personâl aziendâl a contat cu la Utence, une gnove procedure dedicade ae Comunicazion cui Clients, il Codiç Etic.
Daspò de assegnazion de Unitât di Gjestion Udinese, SAF è a disvilupât ancjemò di plui il propi sisteme di organizazion e e à otignût, intal 2002, la certificazion UNI EN ISO 9001: 2000 che e slargje il sisteme di prime ancje ae progjetazion e a ducj i servizis sigurâts (regolârs, specializâts e di ocasion).
Tal Lui dal 2007, ANCIS, l'organisim di certificazion, al à fat la visite di ispezion anuâl finalizade a sigurâsi de persistence dai recuisîts di conformitât: i controi fats a àn dât esit positîf, cu la conferme conseguente dal Certificât di conformitât de Organizazion e il ricognossiment de validitât dal impegn di SAF e di dut il personâl aziendâl te aplicazion e svilup dal gnûf sisteme.

Cumò a son in vore lis pratichis par otignî, jenfri il 2008, la certificazion dal sisteme di gjestion integrât Cualitât-Ambient, daûr des normis UNI EN ISO 9001:2000 e UNI EN ISO 14001:2004. Chest Sisteme Cualitât al è za in sburtât stât di aplicazion e al smire a miorâ la gjestion de organizazion midiantdi un plui larc coinvolziment dal personâl, il consolidament dal nivel dai servizis in tiermins di eficience e cualitât, la sodisfazion dai standards minims previodûts de Cjarte dai Servizis e, par finî, la adozion di un Model di organizazion, gjestion e control. La gnove certificazion – orientade ae cualitât e ae gjestion des problematichis e dal rispiet dal ambient – e smire a ridusi i consums di risorsis, razionalizâ i compuartaments e a adotâ soluzions che a tindin a vê maiôrs resis energjetichis dai propris implants, a ridusi e a prevignî l’incuinament dal aiar, rapresentâ un esempi di virtût par altris sogjets economics e pe coletivitât, e a garantî un coret adempiment dai oblics legjislatîfs in teme di ambient e sigurece.
Par rivâ a chescj obietîfs al è previodût il miorament dal servizi seont ce che al è definît de Cjarte dai Servizis; il coivolziment e la formazion dal personâl di responsabilizâ intai procès aziendâi, l’informazion e il coinvolziment di fornidôrs e partners e la misure dai impats ambientâi, la adozion des miôr tecnologjiis dispunibilis, il control dai refudums pal lôr contegniment e locazion intai puescj di recupar e smaltiment.