La tipologjie dai documents di viaç e lis tarifis aplicadis su lis Liniis di Traspuart Public Locâl a son stabilidis de Aministrazion Regjonâl cun provediment aministratîf: lis tarifis pal 2008 a son stadis aprovadis cun Delibere de Zonte Regjonâl n. 2912 dal 23/11/2007.
 
Par doprâ il servizi al è necessari jessi furnîts di regolâr titul di viaç (biliet o abonament) che al à di jessi comprât li des rivenditis autorizadis, al va metût te machinute a pueste pe convalide a pene che si monte sù sul mieç (o la prime volte che si monte sù tal câs dal abonament) e al à di jessi conservât intîr fin ae scjadence de sô validitât. In particolâr l’abonament al è valit dome se al è compagnât dal tesserin di identitât personâl.
In câs ecezionâi dome il biliet al pues jessi comprât ancje sul mieç domandantlu al autist: in chest câs al sarâ aplicât l’aument dal presit previodût des normis tarifariis regjonâls in vore. 

La Aziende e ative lis proceduris di RIMBORS, tal limit de tarife paiade, tai câs che par une grave cause sô al sedi stât:

• sospindût il servizi cence une informazion preventive ae utence par mieç di stampe o avîs li des bilietariis o fermadis
• interot il viaç prime de destinazion par dulà che al è stât paiât il biliet
• causât un dan grâf e documentât al client par ritart di imputâ a ineficiencis aziendâls

La entitât dal rimbors e risulte compagne dal valôr dal document di viaç paiât, che al à di jessi simpri alegât in copie ae domande di rimbors di mandâ a:

AUTOSERVIZI FVG - SAF
Ufici Titui di Viaç e Rivenditis

Viâl Palmanova, 219

UDIN

SAF e decline dutis lis responsabilitâts pes conseguencis che a derivin di ritarts, coincidencis pierdudis e in gjenar par cualsisedi event che nol dipent de proprie volontât. Nissun rimbors al è ametût, a cualsisedi titul domandât, tal câs di interuzion o ritart dal viaç par cause di fuarce maiôr, restant fer il dirit di richieste dal Client.