• a tiere, li dai ponts di vendite autorizâts e par mieç di sis machinutis automatichis metudis fûr de Stazion FS di Udin, li de l'Ospedal Civil di Udin (sol par servizi urban), fûr de bilietarie SAF di Çarvignan, dentri de Stazion FS di Cividât, li de bilietarie stagjonâl di Lignan e li de vecje polvariere di Palme;
• sul mieç domandantju al autist. In chest câs il biliet al à caratar speciâl e straordenari e al è sogjet a un aument di 1,00 € tal presit (D.G.R. n. 2912/07).

Il biliet al à di jessi convalidât tal moment che si monte sù sul mieç, nol pues jessi cedût e al à di jessi conservât intîr par dute la durade dal viaç. Il dirit a viazâ al cole ae fin dal percors che al corispuint al biliet, o, pai titui cun durade temporâl, 60 minûts dopo de convalide tai dîs feriâi e 240 minûts dopo tai dîs festîfs. 

I biliets comprâts vie pal 2008 a puedin jessi doprâts fin ai 28 di Fevrâr dal 2009: dopo a àn di jessi sostituîts daûr des disposizions contignudis tal Regolament di Veture e in chel di Bort. 

I biliets a puedin jessi comprâts li des rivenditis autorizadis (ediculis, tabacs, bars e v.i.) che si puedin cognossi pes segnaletichis tai veris.
Lis bilietariis autorizadis ae sostituzion dai biliets scjadûts a son chês di Udin Autostazion e Bilietarie Urbane, chê de Autostazion di Tumieç e l’Ufici aziendâl Titui di Viaç e rivenditis di Udin, viâl Palme, 219.

Par deventâ rivenditôr autorizât dai titui di viaç SAF pal servizi urban e/o extraurban al è suficient jessi titolârs di une imprese comerciâl e mandâ une domande che e conten une breve descrizion de ativitât principâl, i oraris di vierzidure e la indicazion dai turnis di ripôs, a:

AUTOSERVIZI F.V.G. S.p.A. – SAF
C.A. Direzion Gjenerâl
Vie Baldasseria Bassa, 75
33100 UDIN

Tal câs di riscuintri positîf, SAF e varà la cure di proviodi a distrigâ lis proceduris necessariis pe ativazion dal pont di vendite.