I abonaments e i tesserins di identitât a puedin jessi comprâts li des bilietariis mecanizadis che si cognossin pes insegnis tai veris.

L’abonament al è personâl, nol pues jessi cedût e su di chest a son indicâts i dâts anagrafics dal utent, i servizis doprâts e il periodi di validitât. L’abonament al va convalidât tal moment che si monte sù pe prime volte tal periodi di validitât, al va conservât intîr par dut il periodi stes e al va compagnât cul relatîf tesserin di identitât.

Prin acuist:

al è suficient lâ li di une rivendite SAF abilitade, compilâ il modul a pueste e zontâi une fotografie recente. La rivendite e darà fûr un tesserin di ricognossiment provisori sostituît cirche un mês dopo da chel definitîf, valit 5 agns de date di emission stampade devant, che al podarà jessi ritirât dome li de stesse rivendite.

Rinovazion:

i abonâts in possès dal tesserin di ricognossiment definitîf a puedin rinovâ l’abonament li di cualsisedi rivendite SAF abilitade ae emission di abonaments e indicade des insegnis sui veris. Invezit chei che a son in possès dome dal tesserin provisori, a puedin rinovâlu dome te rivendite che lu à dât fûr.

Cambiament de trate:

al è pussibil cambiâ la trate riferide a un tesserin di ricognossiment definitîf in cors di validitât compilant il modul a pueste che si cjate a:

Il gnûf tesserin, cu la gnove trate di riferiment, al sarà disponibil dopo 2 dîs di vore li de stesse bilietarie dulà che e je stade presentade la domande; al varà la stesse scjadence di chel di prin, si lu podarà doprâ pal compr dal abonament relatîf tacant de scjadence dal ultin cjolt.

Robariis/pierditis:

bisugne presentâsi li dal Ufici Casse di V.le Palmanove 219 (orari lun-vin: 9.00-12.00 e 15.00-17.00) cuntune fototessare resinte. L’operadôr al darà la modulistiche che e covente par sotscrivi une autocertificazion di robarie/pierdite e al fasarà une copie dal tesserin di ricognossiment par podê viazâ, cu la autorizazion de SAF, fin che l’abonament al è valit.

Si pues compilâ e consegnâ cheste documentazion ancje in:

Il paiament a ratis dai abonaments anuâi e scolastics si pues domandâ e fâ in chestis rivenditis:
  

Par deventâ rivenditôr autorizât dai titui di viaç SAF pal servizi urban e/o extraurban al è suficient jessi titolârs di une imprese comerciâl e mandâ une domande che e conten une breve descrizion de ativitât principâl, i oraris di vierzidure e la indicazion dai turnis di ripôs, a:

AUTOSERVIZI F.V.G. S.p.A. – SAF
C.A. Direzion Gjenerâl
Vie Baldasseria Bassa, 75
33100 UDIN

Tal câs di riscuintri positîf, SAF e varà la cure di proviodi a distrigâ lis proceduris necessariis pe ativazion dal pont di vendite.