TIPOLOGJIIS E TARIFIS

TITUI DI VIAÇ URBANS 
Tarifis in Euro dal servizi rêt urbane in vore dal 1n di Zenâr dal 2008 (DGR n.2912/07).

 

Tipologjiis biliet:

  • ORARI zone une trate; dal moment de convalide al dure 60 o 240 minûts (dome tes zornadis festivis);
  • ORARI zone une trate pluicorsis; valit par 10 corsis orariis, al permet di viazâ ancje a plui personis tal stes timp a condizion che e sedi fate une convalide par ogni viazadôr, dal moment de convalide al dure 60 o 240 minûts (dome tes zornadis festivis);
  • ORARI cence limits di trate; dal moment de convalide al dure 60 o 240 minûts (dome tes zornadis festivis);
  • CORSE SEMPLICE par 2 tratis di une linie;
  • ZORNALÎR dute la rêt
Tipologjiis abonament:
  • CUINDISINÂL (dîs 1-15 o 16-31 dal mês solâr), al vâl par un numar ilimitât di corsis suntune linie, trate o su dute la rêt;
  • MENSÎL (mês solâr) al vâl par un numar ilimitât di corsis suntune linie, trate o su dute la rêt;
  • MENSÎL (mês solâr) fasse di morbide, al vâl par un numar ilimitât di corsis dome des 09.00 aes 12.00 e des 2.30 aes 5.00 dopodimisdì suntune linie o su dute la rêt;
  • SCOLASTIC (10 mês solârs di Setembar a Jugn), al vâl par un numar ilimitât di corsis suntune linie o su dute la rêt; al previôt sconts su la tarife base pai abonaments comprâts dentri dal stes nucli familiâr;
  • ANUÂL (12 mês solârs consecutîfs), al vâl par un numar ilimitât di corsis suntune linie, trate o dute la rêt;
  • ANUÂL in fasse di morbide, al vâl par un numar ilimitât di corsis dome des 09.00 aes 12.00 e des 2.30 aes 5.00 dopodimisdì suntune linie o su dute la rêt

TITUI DI VIAÇ EXTRAURBANS 
Tarifis in Euro dal servizi rêt extraurbane in vore dal 1n di Zenâr dal 2008 (DGR n.2912/08)


Tipologjiis biliet:

  • CORSE SEMPLICE e vâl dome par un viaç, che al à di jessi continuatîf o, tal câs di passaç a un altri mieç, l’utent al à di doprâ la prime coincidence disponibile.
Tipologjiis abonament:
  • CUINDISINÂL (dîs 1-15 o 16-31 dal mês solâr), di gjenar ordenari al vâl par un numar ilimitât di corsis;
  • CUINDISINÂL (dîs 1-15 o 16-31 dal mês solâr), limitât a 5 dîs par setemane di lunis fin vinars, valevul par dôs corsis ogni dì;
  • MENSÎL (mês solâr) di gjenar ordenari al vâl par un numar ilimitât di corsis;
  • MENSÎL (mês solâr) di gjenar ordenari, limitât a 5 dîs setemanâi di lunis fin vinars, valevul par dôs corsis ogni dì;
  • MENSÎL (mês solâr) di gjenar ordenari, limitât a 3 dîs par setemane di lunis fin vinars, valevul par dôs corsis ogni dì; al è riservât ai utents lavoradôrs a timp parziâl che a àn di presentâ une declarazion a pueste dal paron di lavôr che e segni lis zornadis lavorativis;
  • SCOLASTIC (10 mês solârs di Setembar a Jugn) al vâl par un numar ilimitât di corsis; al previôt sconts su la tarife base pai abonaments comprâts dentri dal stes nucli familiâr;
  • ANUÂL (12 mês solârs di file) di gjenar ordenari, valevul par un numar ilimitât di corsis.

TITUI DI VIAÇ INTEGRÂTS EXTRAURBANS E URBANS
I titui di viaç integrâts a son previodûts par percors cuntun estrem a Udin, Glemone o Lignan, che, tal câs dai abonaments, a son specificâts tal tesserin di identitât.


Tipologjie biliet:

  • CORSE SEMPLICE e vâl dome par un viaç che, pe part extraurbane al à di jessi continuatîf o, tal câs di cambiaments di mieç, l’utent al varà di cjoli la prime coincidence utile; pe part urbane l’utent al varà di cjoli la prime corse utile par rivâ a destinazion

Tipologjiis abonament:

  • CUINDICINÂL (dîs 1-15 o 16-31 dal mês solâr): la part extraurbane e pues jessi di gjenar ordenari (par un numar ilimitât di corsis) o ben valide dome par dôs corsis ogni dì di lunis fin vinars; la part urbane e je valide par un numar ilimitât di corsis (suntune linie o su dute la rêt);
  • MENSÎL (mês solâr): la part extraurbane e pues jessi di gjenar ordenari (par un numar ilimitât di corsis) o ben valide dome par dôs corsis ogni dì di lunis fin vinars; la part urbane e je valide par un numar ilimitât di corsis (suntune linie o su dute la rêt);
  • SCOLASTIC (mês solârs di Setembar fin Jugn): la part extraurbane e pues jessi di gjenar ordenari (par un numar ilimitât di corsis); la part urbane e je valide par un numar ilimitât di corsis (suntune linie o su dute la rêt); al previôt sconts su la tarife base pai abonaments comprâts dentri de stesse famee;
  • ANUÂL (12 mês solârs consecutîfs): la part extraurbane e pues jessi di gjenar ordenari (par un numar ilimitât di corsis); la part urbane e je valide par un numar ilimitât di corsis (suntune linie o su dute la rêt).

TITUI DI VIAÇ SERVIZI MARITIM

Tipologjie biliet

  • CORSE SINGULE e corse singule a tarife ridote pai fruts di 6 a 12 agns. Cun di plui al è pussibil comprâ un biliet CORSE SINGULE integrât par l’ûs corelât dai servizis su strade e vie motonâf su la trate Udin-Maran-Lignan.
Tipologjie abonament
  • NOMINATÎF di 10 a 50 corsis
  • STAGJONÂL riservât a categoriis particolârs di viazadôrs previodudis de L.R. 23/07

NUVITÂT: FVG CARD 
Dai 28 di Lui dal 2007 la Agjenzie Turisim Friûl Vignesie Julie – turisim fvg e à començât la distribuzion/vendite de FVG Card pai ospits de Regjon Friûl Vignesie Julie.
La FVG card e à di jessi compagnade di un document di identificazion (di cui che le ten) e e je tra l’altri valide par doprâ i servizis urbans di Udin e Lignan gjestîts de SAF, che par chescj ultins e costituìs titul di viaç.

La FVG card – Friûl Vignesie Julie card – e ven dade fûr cuntune validitât di:
- 48 oris (dôs zornadis interiis di zontâ ae date scrite su la card); 
- 72 oris (trê zornadis interiis di zontâ ae date scrite su la card);
- 7 zornadis (siet zornadis di zontâ ae date scrite su la card).
Tal câs che su la FVG card no sedi indicade la date de emission, cheste e à di sei metude dal personâl che al fâs la verifiche e la validitât si intint ativade de date midiesime pai periodis sore marcâts. 

 

TITUI DI VIAÇ AGJEVOLÂTS - L.R. 23/07 
La L.R. 23/07 e previôt che cualchi specifiche categorie di utents e i lôr acompagnadôrs a podedin usufruî di titui di viaç agjevolâts (p.e. abonament anuâl 365 dîs consecutîfs valevul su la rêt urbane o extraurbane, abonament stagjonâl al servizi maritim): 

  • grancj invalits civîi, di vuere, par servizi o dal lavôr;
  • vuarps di vuere, vuarps civîi, i sorts e muts;
  • i invalits di vuere, civîi di vuere, par servizi che a fasin part des categoriis de II ae V comprendudis, i invalits civîi e i invalits di vore cun invaliditât no inferiôr a 2/3;
  • i perseguitâts politics talians antifassiscj e raziâi, i ex depuartâts tai cjamp naziscj.

I utents a àn di formulâ une domande a pueste li de Provincie di Udin, Ufici Traspuarts e dopo rivolzisi a une di chestis bilietariis autorizadis:


UDIN – Bilietarie de Autostazion
Viâl Europa Unita, 37; tel. 0432.508762

UDIN – Bilietarie Urbane
Viâl Europa Unita, 95; 0432.508074

TUMIEÇ - Bilietarie de Autostazion
Vie Carnia Libera 1944, 20; tel. 0433.40594

_

  stampe
  Invie