Ducj i clients, furnîts di titul di viaç regolâr, a puedin traspuartâ a gratis 2 bagais di ogjets personâi se no son di dimensions plui grandis di 50x45x25 cm e se tignûts in proprie custodie. Par ogni bagai di plui, par chei che a superin chestis dimensions e par chei depositâts tai valisârs al pues, par cualchi linie, jessi domandât il paiament de relative tarife bagai.

I bagai no consegnâts, ven a stâi ducj i ogjets in possès dal client, a restin simpri esclusivementri sot de sô custodie.
Il client al rispuint di eventuâi dams fats dal bagai stes aes personis o al autobus. I bagais consegnâts, invezit, o sei chei depositâts tai valisârs a pueste, a son sogjets a responsabilitât dal vetôr tai limits previodûts des relativis normativis (Art. 1683 e seg. Codice Civile).

SAF no rispuint dai ogjets di valôr eventualmentri contignûts tai bagais, cjartis valôrs, ogjets di art o di antighitât, ogjets preziôs e assimilabii. 

Tal câs di pierdite di ogjets/bagais tai veicui o tes areis aziendâls SAF, si consee di contatâ prime pussibil il numar vert 800.915303 par denunciâ il fat o lâ di persone tal ufici a pueste SAF Cjossis Pierdudis, situât a Udin tal Viâl Palmanova 218. Ducj i servizis a son ativâts di lunis fin vinars cun orari 8.30-12.30 di matine e 2.30-5.30 dopodimisdì e la sabide matine des 8.30 aes 12.30.