MULTIS

La ativitât di control dal rispiet dal Regolament di Veture e di Viaç e ven fate di bande di personâl dipendent incjariât di pueste, cun document di ricognossiment dât de Aziende.
Se no si rispietin lis normis, ven a stâi se si viaze:

  • cence di titul di viaç;
  • cul biliet orari cul timp scjadût (liniis urbanis);
  • cun titul di viaç timbrât dome cuant che al monte su il personâl di aciertament;
  • cun titul di viaç no timbrât;
  • cun titul di viaç timbrât plui voltis;
  • cun titul di viaç inferiôr ae trate o par tratis diviersis di chê segnade;
  • cun titul di viaç alterât;
  • e si à dismenteât l’abonament regolarmentri rignuvît prin dal aciertament;
  • e si va cuintri dal Regolament di veture;

si pues cjapâ une multe aministrative, previodude de L.R. 23/07, di un minim di 8 Euro a un massim di 52 Euro e paiâ il biliet jenfri lis ultimis fermadis de corse. I titui di viaç alterâts, o dut câs no regolârs, a vegnin ritirâts dal personâl di control. 

Cui che al trasgredìs al diviêt di fumâ al pues cjapâ une multe aministrative di 27,50 Euro a 275 Euro: la misure de multe e je dopleade se si fume denant di une femine incinte o cun frutins o fruts fin a 12 agns (L. 584/75 e modifichis seguitivis). 

La violazion e ven contestade daurman e personalmentri a cui che al trasgredìs. Se il trasgressôr al è un minôr o un disabil sometûts a tutele, si fâs la notifiche daûr de leç. Si pues paiâ la multe, al moment de contestazion, diretementri al personâl di control e vê la ricevude di paiament. Si pues paiâ in misure ridote, daûr dal art. 7 de L.R.1/84, dome se si lu fâs al moment de contestazion o dentri di 15 dîs de notifiche.

 

Tal câs dal mancjât paiament imediât e, duncje, in gjenerâl de notifiche dal verbâl al interessât, il paiament de some indicade, comprensîf des spesis di procediment, al à di jessi fat dentri di 15 dîs dal riceviment de stes a mieç di:

  • versament diretementri li dal UFICI SANZIONS a Udin, Viâl Europa Unita 95 (di lunis fin vinars des 8.30 aes 12.00 di matine e des 2.00 aes 5.00 dopodimisdì);
  • versament su cont corint postâl C/C 13683339;
  • valie postâl intestât a chê che e scrîf.
Il trasgressôr al pues fâ pervignî scrits difensîfs a chê che e scrîf dentri di 60 dîs dal riceviment de notifiche. Se nol proviôt al paiament tai timps indicâts SAF e proviodarà ae gjestion de pratiche a traviers des modalitâts previodudis de L.R. 1/1984.

Par informazions relativis a eventuâi procediments in at si pues rivolzisi al UFICI SANZIONS SAF a Udin, Viâl Europa Unita 95; TEL. 0432 510111 cun orari di lunis fin vinars des 8.30 aes 12.00 di matine e des 2.00 aes 5.00 dopodimisdì.
_

  stampe
  Invie