Par deventâ un rivenditôr autorizât di titui di viaç SAF pal servizi urban e/o extraurban al baste jessi titolârs di une ativitât comerciâl tal teritori servît de rêt dai servizis SAF.
Si à di mandâ une domande motivade scrite a:

AUTOSERVIZI F.V.G. S.p.A. – SAF
C.A. Direzion Generâl
Vie Baldasseria Bassa, 75
33100 UDIN

Si à di specificâ:

- dâts fiscâi dal esercizi;
- li che al è l’esercizi;
- oraris e turnis;
- presince di fermadis dongje dal esercizi.

La Direzion, une volte verificâts i elements di cualificazion, e da la autorizazion cu la definizion dal contrat, mandant indenant, par mieç dal propri ufici competent, lis proceduris pe ativazion de rivendite.

La comunicazion des domandis no acetadis, che no son di interès pe SAF par motîfs leâts a strategjiis aziendâls di definizion de rêt di vendite, e ven dade a cui che le à domandade cun motivazion palese.

Il sisteme di vendite al previôt, fûr di câs particolârs, di furnî in conto vendita une cuantitât di titui di viaç calcolade daûr criteris definîts de SAF AUTOSERVIZI. Il paiament des furniduris seguitivis, a net di provisions ricognossudis pal servizi, al ven fat cuant che si ricevin lis tipologjiis, ordenadis al Numar Vert aziendâl 800.103355, par cuantitatîfs no inferiôrs ae assegnazion iniziâl.
Lis deroghis, salacor, a son dadis diretementri de SAF AUTOSERVIZI

Al moment de firme dal contrat la rivendite e ven istruide su dut il procediment e e ricêf, sore dal materiâl di vendi/leât ae vendite, ancje i jutoris informatîfs che a coventin par scomençâ la ativitât. 

In ocasion dal cambi des tarifis a fin dal an, la SAF e proviôt a ritirâ i titui di viaç no vendûts e a dâ chei cu la tarife gnove, fasint la rendicontazion e incassant i paiaments dal cont-depuesit iniziâl. 
 

Par altris informazions si pues indreçâsi a:

SAF AUTOSERVIZI FVG
UFFICIO TITOLI DI VIAGGIO E PUNTI VENDITA
V.le Palmanova 219
33100 UDINE
tel. 0432.608164 
orari: dal lunis al vinars, 8.00-12.00 e 14.00-17.00